Un proxecto de Social Docs

De Maior Crea

Aprender e facer, “sendo felices”

De Maior Crea 2022 A Coruña

p

Información do evento

Obradoiros de Creación audiovisual e teatro.

l

Inscripcións e dúbidas

Reserva de plazas: info@socialdocs.es
Pon o teu nome e apelidos, teléfono e os obradoiros nos que te inscribes.

Descrición do Proxecto

De Maior Crea e un proxecto innovador que busca desenvolver a creatividade e fomentar a realización de contidos por parte de persoas maiores. Dun modo práctico, a través da aprendizaxe da linguaxe cinematográfica e a realización de talleres creativos. As persoas que participan nos talleres desenvolven contidos audiovisuais e musicais, sobre temas que eles mesmos propoñen.

O que che propoñemos

Actividades creativas e divertidas que contribúen ao teu benestar.

Crear grupos e equipos fomentando a participación social.

Adaptarnos ás túas necesidades e implicar a institucións e empresas no proxecto.

Obxectivos



Obxectivo 1

Crear ambientes de aprendizaxe, diversión, creación e traballo en equipo. Unha experiencia transformadora para os participantes.



Obxectivo 2

Desenvolver, producir e distribuír contidos dirixidos a persoas maiores, para fomentar a súa creatividade e promover un envellecemento saudable.



Obxectivo 3

Propiciar un cambio de paradigma. “ De facer cousas con maiores , a que os maiores sexan os auténticos protagonistas”.

Porqué agora?

O avellentamento da poboación nos países da nosa contorna é un feito. A sociedade debe dar resposta ás demandas deste colectivo atendendo á súa saúde e capacidade funcional, pero tamén ás necesidades de desenvolvemento persoal e participación
social.

O crecemento imparable da poboación de maiores, cada vez máis preparados e con maior calidade de vida, demanda ofertas educativas e de ocio novas, acordes coa nova realidade.

No ano 2020, en Europa, segundo as estimacións, a poboación maior de 65 anos suporá un 20,7%.

Faise necesario promover estilos de vida saudables, especialmente os relacionados coa alimentación e a actividade física, pero, tamén, a prevención do estrés psicosocial que incide na xeración de enfermidades. É fundamental atallar os problemas de depresión, falta de motivación e soidade que, en ocasións, sofre o colectivo de persoas maiores.